10 أسباب تخليك تزوره .. نهى رضوان تحكي تجربتها فى كامب”سكرتة”

كتت-محمود قورة:

يعد كامب “سكرتة SakraTah Camp” أفضل الأماكن للراغبين فى رحلة سعيدة ومكان هاديء، حيث يتواجد فى طابا بعد فندق طابا هايتس بحوالي ٧ كيلو.

وتحكي نهي رضوان لـ”تورزم ديلي نيوز” قصة انضمامها إلى كامب “سكرتة”: “ركبت باص من بورسعيد للقاهرة الساعة ٩ واستنيت في موقف شرق الدلتا لغاية الساعه ٢ إلا ربع أوبيس طابا/ نويبع، وفعلا الأتوبيس كان نظيف جدا وفي شاحن في الكرسي وصلت الكامب حوالي ١٢ ونصف الظهر يعني مدة السفر ١٠ساعات ونص”.

تقول نهى رضوان أن كامب “سكرتة” يتميز عن غيرة للأسباب الآتية:

١. أول ما بتوصل المسئولين عن الكامب بيطلعوا يأخذوك من علي الطريق لغاية الكامب.
٢- النور بيجي نص ساعة العصر ويجي تاني ٦ بالليل لغاية الساعة واحدة فترة كويسة جدا إنك تشحن موبيلك وتعقد في النور لغاية لما تنام لإن طبيعة المكان بتخليك تنام بدري وتصحي بدري.
٣- الحمامات نظيفة ومش بعيدة عن الكامب.
٤-الخوشة مريحة ونظيفة ومفروشة فرش نظيف.
٥- الأكل جميل جدا ونظيف والكمية حلوة و لو احتجت تاني بتاخذ.
٦- أمان.
٧- موجود حيوانات أليفة ودي من الحاجات للي حبيتها جدا كلاب وقطط كلهم اطيب وأجمل من بعض أنا حبيت الكلب buddy والقطط مشمشة.
٨- الطبيعة حلوة قوي الكامب، فتقدر تمشي علي الشط يمين وشمال وتقدر تنزل البحر وفي قواقع للي بيحب يجمعهم.
٩-في مرجيحة علي البحر جميلة قوي تنسي الدنيا وأنت قاعد عليها.
١٠- الجو جميل الصبح وبالليل برد شوية بس حتي في الساقعة تحب تعقد برة الخوشة. والشروق والغروب أجمل.