Tourism Daily News أهم أخبار السياحة و السفر
كتب-محمود قورة:
تعدّ العاصمة الثانية لمصر وقد كانت عاصمتها قديما، وهي عاصمة لمحافظة الإسكندرية وأكبر مدنها، تقع على ساحل البحر الأبيض المتوسط بطول حوالي 55 كم شمال غرب دلتا النيل، وتضم الإسكندرية بين طياتها الكثير من المعالم المميزة، إذ يوجد بها أكبر موانئ مصر البحرية(ميناء الإسكندرية وميناء الدخيلة) فتمر بالمدينة نحو 80% من إجمالي الواردات والصادرات المصرية، وتضم أيضًا مكتبة الإسكندرية الجديدة التي تتسع لأكثر من 8 ملايين كتاب.
ويقدم أحمد نعيم وإليك أفضل 15 مكان يمكن زيارته فى الأسكندرية:
١- المنتزة: وهذا أكبر حديقة موجودة في الإسكندرية فيها قصر الملك فاروق وقصور أخرى بجانبها وفيها مرسي يخوت وبحر وجناين تصلح للقاءات والمؤتمرات ويبلغ سعر التذكرة ٢٥ جنيه للفرد.
٢- مكتبة الإسكندرية: وهي عبارة عن صرح معماري عبقري وكبير جدا بداخلها متاحف كتير زي متحف السادات ومتحف للآثار الفرعونية والقبطية والإسلامية، ويجاورها القبة السماوية دي بتعمل عروض كأنك في الفضاء بالضبط ومن أفضل الأشياء التى تستمتع بيها في حياتك، وتذكرة المكتبة ٤ جنيه.
٣- متحف المجوهرات: من الحجات اللي هتستمتع بيها جدا فيه مجوهرات من كل ملوك مصر وفي مجوهرات جايه من برة، ومكان نضيف جدا وهتستمتع بيه خاصة كمية الذهب والألماظ الموجود به، والتذكرة بـ١٠ جنيه.
٤- كوبري استانلي: أحسن كوبرى ممكن تتصور عليه.
٥- قلعة قايتباي: من أفضل الأماكن اللى تعمل فيه فوتوسيشن من كتر ما هو كبير وفاضي، هو عبارة عن غرف كتير وفارغة ومن فوقيه بتقدر تشوف الأسكندرية من فوق، والتذكرة بـ٥ جنيه.
٦- المعمورة: وتعد من أفضل الأماكن التى لا بد من زيارتها فى الأسكندرية، وتتميز بكونها أفضل مكان نظيف وهادئ ويسمح فيه بركوب العجل وتلف براحتك هناك كتير.
٧- مطعم طاسة: وهو مطعم موجود فى سموحه بجوار موقف السوبر جيت القديم بجوار عصير مكة اللى زى ألبان سويسرا، ويعتمد فى أغلب منتجاتها على اللبن.
٨- كبدة الفلاح: وهو صاحب أفضل مطعم كبدة فى الأسكندرية، ممكن تاكل ١٥ نص رغيف كبدة وتلاقيك لسه جعان مثلا من كتر ماهي حلوة، وبعدين جمبها تشرب من خروب “أمال” وبعدين تحلي من الكنافه النابلسية اللي جنبه.
٩- أسماك شعبان: هتاكل كل أنواع السمك اللي هتتخيلها وتغوص في السمك ومش هنقدر تخلصه، سبب شهرته إنه حلو ومش غالى وبتنقي السمك بنفسك.
١٠- الشيخ وفيق : هتروح تطلب واحد رز بلبن بالمكسرات او بليلة بالمكسرات أو “أم على”.
١١- هولمز: هتلاقيه في شارع شعراوي وسموحه ورشدي، وهو أفضل هتاكله في حياتك وغالبا لازم تكون صايم قبليها بـ٤ أيام.
١٢- سان ستيفانو وجرين بلازا وكارفور، دول أشهر ٣ مولات لو حابين تعملوا شوبنج وكل واحد فيه فود كورت في كل المطاعم وجوا كل واحد فيه سينما لو حابين تتفرجوا علي الأفلام الجديدة.
١٣ – شارع فؤاد: وهو أقدم شوارع الأسكندرية وفيه الفن المعماري القديم وفيه مطاعم كتير حلوة وتقدر تتصور فيه فوتوسيشن حلو.
١٤- محل البن البرازيلي: الناس اللي حابين القهوة يبقي لازم يجربوه لإنه جواه مطحن وبتشم ريحة القهوةمن على بعد.
