بمناسبة أعياد رأس السنة .. خطوات تحضير الكوكيز بكل أنوعه

كتبت : دعاء سعد الدين : تقول الشيف “نسمة يسرى” بمناسبة أعياد رأس السنة حضرن لكن فكره جديد ولطيفه، وهي عبارة عن علبه كوكيز للاعياد وبالامكان تقديمها لتكون بمثابة هديه لطيفه للاصدقاء والأقارب . والجميل انها بنكهات مختلفة
وتنصح الشيف “نسمة يسرى” بمتابعة قناتها Crumbite على اليوتيوب فهى تحتوى على العديد من الوصفات اللذيذة والسهلة

مقادير بسكوت الجنزبيل

100 جرام زبدة في درجه حراره الغرفه
300 جرام دقيق الكيك
125 سكر بني
1 ملعقة كبيرة نشا
1 بيضة كبيرة
فانيلا
رشه من الملح
٣ ملعقة كبيرة عسل اسود
1/2 ملعقة صغيرة قرفة
1/4 ملعقة صغيرة زنجبيل بودره
1/4 ملعقة صغيرة قرنفل بودره
1/4 ملعقة صغيرة من بيكنج صودا
بنضرب الزبده والسكر البني كويس جدا بالمضرب لحد ما يندمجو كويس ونضيف البيضه والعسل والفانيلا ونضرب
ننخل الدقيق والتوابل والبيكنج صودا والملح فوق المكونات ونقلب لحد ما يندمجو من غير عجن عشان العجينه متنشفش
تتلف في cling film وتدخل الثلاجه ترتاح مش اقل من نصف ساعه وبعدين نطلعها نفردها بين ورقتين زبده ونقطعها ونرصها في صينيه خبز تدخل الثلاجه تاني نصف ساعه وتدخل فرن ساخن علي ١٨٠ لمده من ١٢-١٥ دقيقه بعد ما تطلع من الفرن نسيبها ١٠ دقايق تهدي وبعدين نرصها علي شبكه تبرد تماما قبل التزيين .

طريقة تحضير Sugar cookies

100 جرام زبدة
90 جرام سكر بودرة
250 جرام دقيق كيك
1 بيضة كبيرة
فانيلا
رشه من الملح
طريقة تحضير بسكوت الشيكولاته
نستبدل ملعقه من الدقيق بملعقه من الكاكاو الخام
نضرب الزبده مع السكر البودره جيدا إلى أن يتحول كريمي ولونه فاتح وبعدين البيض والفانيلا ونضرب نضيف الدقيق ورشه الملح ونقلب بالراحه لحد ما العجينه تتجمع نلفها وندخلها الثلاجه مش اقل من ٣٠ دقيقه تطلع تتفرد بين ورقتين زبده وتتقطع وتعلي صينيه خبز والافضل تكون صينيه فاتحه عشان البسكوت ميغمقش بسرعه يدخل الثلاجه نصف ساعه وبعدين علي فرن سخن ١٨٠ لمده ١٢-١٥ دقيقه وبردو يبرد خالص وبعدين يتهوي علي شبكه وبعدين يتزين

طريقة تحضير ال رويال ايسنج

50 جرام سكر بودرة
10 غ من بياض البيض
6 جرام عصير ليمون
نضرب السكر مع عصير الليمون ونضيف بياض البيض تدريجي ونضرب بالمضرب الكهرباء لحد ما تبقى عجينه سائله نحطها في piping bag ونبتدي نزين حسب ماتحبو وتقدرو تقدموه في علبه او jars او اكياس سوليفان .

إقرأ أيضاً :

فنادق البحر الأحمر استعدت لأعياد رأس السنة ..والحجوزات تقترب من 95 %

80 % من السياح الأوكرانيين زاروا مصر في أعياد رأس السنة