رحلة جهاد مع ” النجوم و الحيتان ” و 40 مليون سنة .. مصر الحلوه

كتب- هشام لاشين :

بص في ساعتك و تخيل نفسك هنا من 40 مليون سنة ، جهاد عبد لفتاح تعشق الصحراء و النجوم و علم الفلك ، و تعشق السفر ، قررت أن تشارك قراء ” توريزم ديلي نيوز ” أول تجربة لها في السفر ، و تكتشف وادي الحيتان ، وبحسب جهاد عبد الفتاح : ” انا شخصية  عمرها ما سافرت برا مصر ولا جوا مصر مع الأسف لكن بعشق السفر وحلمي طول حياتي ” .

 

التجربة بصراحة أثرت في و خلتني أشعر بحاجات أول مره أشعر بها في حياتي السفر حلو قوي يا جماعة ، أنا من زمان نفسي اشاهد النجوم ومهتمة بعلم الفلك ، ومن قريب جدا عرفت أن في مصر ناس مثلي  و منظمين مجموعات  تخييم في الصحراء لمدة يوم لرصد السماء ،أنا أول ما عرفت طبعا فرحت جدا و”قولت مبدهاش يلا بينا ” واقنعت أهلي الحمد لله وطلعت .  وسط ناس “معرفهاش”.

الصحراء مكان بدون شبكة موبيل ، يعني انعزال تام عن الناس ، بصراحة كنت فخورة جدا بنفسي أن أخدت قرار المشاركة في الرحلة ، مكان الرحلة هو وادي الحيتان ، يا جماعه المكان وهمي جدا بكل ما تحمله الكلمة من معني ،روح تانية هناك وتحس انك في عالم تاني  برا الدنيا .

وادي الحيتان في الفيوم داخل محمية وادي الريان بشوية وهو أول منطقة تراث عالمي طبيعي في مصر ، مناظر خلابة تحبس النفس وانت علي الطريق فعلا ،
اول ما وصلنا دخلنا المتحف المغلق في حاجات عظيمة من ملايين السنين حفريات حيتان كامله عمرها 40 مليون سنة .

وبعد ذلك المتحف المفتوح و هو داخل الصحراء والحفريات والهياكل موضوعة مكان ما تم ايجادها بدون اي تغيير.

الليل في وادي الحيتان :

أنا أول ما وصلت كنت في انتظار الليل ، من أجل السهر مع النجوم و المجرات السماوية ، أول ما شاهدت السماء ” فضلت متنحة حوالي دقيقة بستوعب المشهد لأنه بجد ما لوش وصف ”  .

 

السماء صافيه جدا وكلها نجوم ومنورة و السبب اننا وسط الصحراء بعيد عن انوار المدينة والتلوث وكل حاجه ممكن تأثر علي المناخ، طول الليل “مش هيجيلك نوم طول ما انت باصص للسماء ومتخيل حواليك الصحراء أصلها  كانت محيط من ملايين السنين وكمان مليئة ب الحيتان البدائية وانت قاعد فيها دلوقتي بعد ما كل ده مبقاش موجود بجد احساس روع”

اليوم التالي  للرحلة :

في اليوم الثاني للرحلة أنا حرفيا ” مكنتش عايزة امشي و لا أرجع للمدينة “و طبعا الانعزال و الهدوء النفسي و الراحة هناك خلال يوم بسيط جدا ” رجعت منه شخص مختلف ” ، مصر جميله جدا ، لكن ” احنا اللي مبنسافرش” أنت تقدر تسافر جوا بلدك وتجني سعادة فوق الوصف وتغيير نمط حياتك بالكامل ،” سافرو اوعوا تتردد لمجرد انكم لوحدكم أو خائفين
لان بجد دي أعظم حاجه ممكن تعملها انك تسافر لوحدك مكان متعرفوش وتشوف ناس جديدة “