Tourism Daily News أهم أخبار السياحة و السفر
كتب-محمود قورة:
قدمت تقى أبو المجد، إحدى الشابات المقيمات فى القاهرة، مجموعة من المعلومات عن سويسرا التى تقع في قارة أوروبا، كما قدمت أبو المجد أيضا بعض النصائح إذا أراد أحد المسافرين زيارة مدينة زيورخ فى سويسرا لبعض الأيام.
وتحكى تقى تجربتها لموقع “تورزم ديلي نيوز” قائلة: ” مبدأيا كام معلومة كدة عشان محدش يتصدم زيورخ أخذت أفضل مدينة للمعيشة فى العالم، كما أنها لمدة 3 سنوات على التوالي تصنف من أجمل الأماكن اللي ممكن تشوفها ف حياتك بس بردو أغلاهم، بدون مبالغة الأسعار هناك مش طبيعية فلو ناوي تروح ياريت يبقي يوم واحد ومتباتش”.
وتنصح تقى المسافرين: “لو معاك نت فى أوروبا غالبا مش هيشتغل هناك زي حالاتي كانت مفاجأة بالنسبة لي حسستني إن الرحلة باظت لإن كان كل اعتمادي على جوجل ماب لو هتدفع باليورو هتاخد الباقي فرانكات ف حاول تاخد فكة عشان ميتنصبش عليك”.
مضيفة: “مبدأيا أنا مكنش معايا نت فتفقدت كل الأماكن، وبدأت أتمشي بطريقة عشوائية بس حسيت إني شوفت قدر كبير جدا من المدينة غير إن الترام بيلفها حتة حتة، الأماكن كلها جنب بعض ومش هتتعب إنك توصل، الناس ذوق لإبعد الحدود مش هيترددوا إنهم يساعدوك”.
وإليك بعض المزارات فى سويسرا:
– كنيسة Grossmünster واحدة من أكبر ٤ كنائس ف زيورخ
– Swiss National Museum هو بيتجدد دلوقتي بس الدخول فيه مسموح
– Bahnhofstrasse ويشبه الداون تاون فى مصر.
– St. Pet كنيسة بردو من أكبر ٤ كنايس ف زيورخ
– Lindenhof hill أهم ميدان تقدر تشوف فيه زيورخ.
