ساويرس يستعين بتجربة فينيسيا لإقامة مهرجان الجونة السينمائي فى أكتوبر

كتبت- سها ممدوح: أعلن رجل الأعمال سميح ساويرس، أحد مؤسسي مهرجان الجونة السينمائي، عن تفاصيل الدورة الرابعة للمهرجان التي تقام خلال الفترة من 23 حتى 31 أكتوبر الجارى.

وأوضح “ساويرس” في مؤتمر صحفي بأحد فنادق القاهرة: أنه رهن تأجيل أو إقامة الدورة الرابعة لمهرجان الجونة السينمائي، بإقامة مهرجاني فينيسيا وسان سيباستيان.

وأضاف :”قلت لو المهرجانين دول اتعملوا هيبقى ضربة جامدة ورسالة للعالم إن مصر لو ألغت مهرجان الجونة، فهي قلقانة، كان هيطلع سمعة إننا كبلد عندنا مشاكل”.

وتابع سميح “الشباب كانوا في فينيسيا وأخذوا النموذج وسيتم تطبيقه في الدورة الجديدة، ووزارة الصحة وافقت تكون معانا”.

وأشار أن حجم الحضور هذا العام سيكون أقل من الأعوام الثلاثة الماضية، متابعًا: “دي مشكلة تواجهها جميع الدول، عندنا الجو العام اللي بيتعمل هيكون موجود لكن بصورة أصغر، وهذا العام بذلنا مجهود عشر أضعاف السنين اللي فاتت، والسنة دي هيبقى مهرجان عالمي فعلا، بحضور 200 شخصية من الخارج، ودول سفراء بيبينوا للناس إن مصر بخير”.

وأضاف “ساويرس”، متحدثًا عن حجم الإنفاق على المهرجان “السنة دي مفيش حاجة بتصرف على نفسها، نستثني السنة دي، بس عامة كل سنة بنلاقي دعم أكتر من الرعاة وده بحد ذاته نجاح، أعتقد إن المهرجان سيحتاج 10 سنين عشان يقدر ينفق على نفسه”.

اقرأ أيضًا:

ساويرس يحصل على 230 مليون جنيه من بنك saib لتطوير منطقة الأهرامات

ساويرس يخطط لتطوير مشروع سياحى على مساحة 600 فدان فى الساحل الشمالى